پاکستان اور آسٹریلیا کے درمیان دوسرا ون ڈے آج کھیلا جائے گا

تفصیلات کے مطابق پاکستان اور آسٹریلیا دوسرے ون ڈے میں مدمقابل آنے کے لیے تیار ہیں، سہ پہر تین بجے  مقابلہ ہوگا ۔ قومی ٹیم جیت کیلئے پرعزم ہے اور سیریز میں شکست سے بچنے کیلئے پاکستان کو آج ہر صورت میں کامیابی حاصل کرنا ہوگی۔

پہلے ون ڈے میں 88 رنز سے فتح کے بعد مہمان ٹیم کو ایک صفر سے برتری حاصل ہے ۔ ون ڈے سیریز کے تینوں میچز آئی سی سی ورلڈ سپر لیگ کا حصہ ہیں۔
 میچ سے ایک روز قبل پاکستان ٹیم نے آرام کیا جبکہ آسٹریلوی کھلاڑیوں نے مختصر دورانیے کی ٹریننگ بھی  کی۔

واضح رہے کہ آسٹریلوی آل رائونڈر مچل مارش انجری کا شکار ہوکر پاکستان کے خلاف وائٹ بال سیریز سے باہر ہوگئے ہیں ، وہ گزشتہ روز لاہور سے دبئی روانہ ہوئے۔