تشدد کی کوئی گنجائش نہیں،مہذب قوم کا احتجاج مہذب ہو گا:فواد چودھری

تفصیلات کے مطابق وفاقی وزیر اطلاعات فواد چودھری کا کہنا ہے کہ مخالف میڈیا ہاؤسز کا تحریک انصاف کے کارکنان پر خون ریزی کے الزمات لگانا حیران کن ہے۔

سماجی رابطے کی ویب سائیٹ ٹوئیٹر پر جاری اپنے پیغام میں انہوں نے کہا کہ پاکستان تحریک انصاف ایک مڈل کلاس طبقے کی پارٹی ہے، مخالف میڈیا ہاؤسز کی جانب سے یہ کمپین چلانا کہ تحریک انصاف کے کارکنان خون ریزی کریں گے یہ حیران کن ہے۔

تحریک انصاف مڈل کلاس کی پارٹی ہے، مخالف میڈیا ہاؤسز کی کمپین کے تحریک انصاف کے کارکن خون ریزی کریں گے حیران کن ہے، تمام عمل آئین کے مطابق ہو گا کسی تشدد کی کوئ گنجائش نہیں ، ایک مہذب قوم کا احتجاج مہذب ہو گا پر تشدد احتجاج کی خبر بھی درجنوں خبروں کی طرح فیک نیوز ہے

— Ch Fawad Hussain (@fawadchaudhry) April 2, 2022

اپنے ٹوئیٹ میں ان کا کہنا تھا کہ تمام عمل آئین کے مطابق ہو گا، کسی قسم تشدد کی کوئی گنجائش نہیں۔

انہوں نے کہا کہ ایک مہذب قوم کا احتجاج مہذب ہو گا، پر تشدد احتجاج کی خبر بھی درجنوں خبروں کی طرح جھوٹ پر مبنی ہیں۔