متحدہ اپوزیشن کا ماڈل ٹاؤن میں عشائیہ

تفصیلات کے مطابق ماڈل ٹاؤن لاہور میں وزارت اعلیٰ پنجاب کے لیے نائب صدر مسلم لیگ ن حمزہ شہباز کی حمایت کا اعلان کرنے والے گروپوں اور اراکین اسمبلی کے اعزاز میں عشائیہ دیا گیا۔

میڈیا ذرائع کے مطابق متحدہ اپوزیشن کے عشائیہ میں مسلم لیگ ن، پیپلزپارٹی،علیم خان گروپ،ترین گروپ اوردیگر گروپس کے اراکین نے شرکت کی۔

وزیراعلیٰ پنجاب کے انتخاب کے حوالے سے متحدہ اپوزیشن کی جانب سے 205 اراکین پنجاب اسمبلی کی حمایت کا دعویٰ کیا گیا ہے۔

بتایا گیا ہے کہ اپوزیشن کے عشائیہ میں شریک تمام ممبران کی جانب سے وزارت اعلیٰ پنجاب کے لیے حمزہ شہباز شریف کی حمایت کا باضابطہ اعلان کیا گیا ہے۔