قومی ٹیم کی ایک اور ٹیم کے ساتھ سیریز طے پا گئی

تفصیلات کے مطابق پاکستانی کرکٹ ٹیم کی نیدر لینڈ کے ساتھ  ملتوی ہونے والی 3 میچوں کی ون ڈے سیریز کو دوبارہ شیڈول کرنے پر اتفاق کیا گیا ہے۔

دونوں ٹیموں کے درمیان ملتوی ہونے والی سیریز کے میچز 4، 7 اور 9 جولائی 2020ء کو کھیلے جانے تھے۔

کورونا وائرس کی عالمی وباء کے پیش نظر سیریز کو 2020ء اور پھر2021ء میں ملتوی کرنا پڑا تھا۔

تازہ اطلاعات کے مطابق پاکستان کرکٹ بورڈ اور نیدرلینڈ کرکٹ بورڈ جولائی کے آخری ہفتے میں یہ میچز ایمسٹیلوین میں کھیلنے پر راضی ہوگئے ہیں۔

دوسری جانب افغانستان کرکٹ بورڈ نے بھی درخواست کی ہے کہ پاکستان اور افغانستان کی ٹیموں کے درمیان ملتوی ہونے والے ون ڈے میچز کو دوبارہ شیڈول کیا جائے۔