یونس خان افغانستان کرکٹ   ٹیم میں شمولیت کیلئے دوبئی روانہ 

تفصیلات کے مطابق سماجی رابطے کی ویب سائٹ  ٹوئٹر پر  قومی کرکٹ ٹیم کے سابق کپتان یونس خان  نے دبئی روانگی کی اطلاع دی اور اپنی ایک سیلفی بھی  پوسٹ کی ۔

تصویر کے عنوان میں انہوں نے لکھا کہ ابوظہبی میں افغان کرکٹ ٹیم کے کیمپ میں شامل ہونے کے لیے دبئی روانہ ہورہا ہوں۔

On my way to UAE to join @ACBofficials camp in Abu Dhabi. pic.twitter.com/q3UsffbAUA

— Younus Khan (@YounusK75) April 5, 2022

یاد رہے کہ یونس خان کو  افغانستان کرکٹ ٹیم بیٹنگ کنسلٹنٹ مقرر کیا گیا تھا، سابق فاسٹ بولر عمر گل کو بولنگ کنسلٹنٹ مقرر کیا گیا تھا۔  یونس خان نے افغان ٹیم کا حصہ بننے پر خوشی  کا اظہار کرتے ہوئے اسے اپنی دیرینہ  خواہش  قرار دیا تھا ۔

واضح رہے کہ پاکستان کرکٹ ٹیم کے سابق کپتان اور مایہ ناز بلے باز یونس خان نے 2017 میں بین الاقوامی کرکٹ سے ریٹائرمنٹ کا اعلان کیا تھا اور اس کے بعد کوچنگ کیریئر کا آغاز کیا تھا۔ یونس خان مختصر عرصے کے لیے پاکستانی کرکٹ ٹیم کے بیٹنگ کوچنگ رہے۔