پی آئی اے کا طیارہ حادثے سے بال بال بچ گیا

تفصیلات کے مطابق پی آئی اے کی پرواز نے لاہور سے جدہ کیلئے اڑان بھری تھی ، سول ایوی ایشن اتھارٹی (سی اے اے) ذرائع کے مطابق طیارہ بحفاظت کراچی ایئرپورٹ پر اتار لیا گیا ہے ،  پرواز پی کے 9759 میں 310 مسافر سوار تھے۔

سول ایوی ایشن اتھارٹی ذرائع کے مطابق طیارے میں سوار مسافروں کو باحفاظت ایئر پورٹ لاؤنچ پہنچا دیا گیا ہے ۔ ذرائع سی اے اے کے مطابق وجوہات جاننے کے لیے طیارے کا معائنہ کیا جا رہا ہے۔ 

ترجمان سول ایوی ایشن اتھارٹی کے مطابق متاثرہ طیارہ بوئنگ 777 ہے، طیارے کی ونڈ اسکرین دوران پرواز پرندہ ٹکرانے سے چٹخی۔ 

ذرائع کے مطابق طیارے کی تبدیلی کے بعد پرواز پی کے 9759 دن دو بجےجدہ روانہ ہوگی۔