وزیراعلی ٰ پنجاب کا انتخاب ، گورنر پنجاب سے مونس الہیٰ کی ملاقات

تفصیلات کے مطابق گورنر پنجاب عمر سرفراز چیمہ سے  رکن قومی اسمبلی مونس الہیٰ نے  ملاقات میں سیاسی صورتحال اور پنجاب میں وزیر اعلیٰ کے انتخاب کے بارے میں گفتگو کی گئی ۔

گورنر پنجاب نے کہا کہ وزیراعلیٰ پنجاب کے انتخاب میں پرویز الہیٰ کو مکمل سپورٹ کریں گے ، حکومتی اتحاد میں ابھی سے جوتیوں میں دال بٹنا شروع ہو گئی ہے۔

انہوں نے کہا کہ تحریک انصاف عمران خان کی قیادت میں ایک بار پھر بھرپور طاقت بن کر ابھرے گی۔

گورنر پنجاب  نے کہا  کہ نو  ن لیگ اور پیپلز پارٹی کی اداروں پرحملہ آور ہونے کے تاریخی حقائق کو جھٹلایا نہیں جاسکتا۔

اس موقع پر مونس الہٰی کا کہنا تھا کہ پرویز الہٰی کا بطور  وزیر اعلی پنجاب  انتخاب شرافت تحمل وضع داری اور بہتر حکمرانی کی بنیاد بنے گا۔

مونس الہٰی نے مزید کہا کہ ہم ایوان میں اپنی اکثریت ثابت کریں گے ، وزیر اعلیٰ پنجاب کے انتخاب کے لیے حکمت عملی تیار ہے۔