پاکستان اسٹاک ایکسچینج میں کاروباری ہفتے کے دوران مثبت رجحان

 پاکستان اسٹاک ایکسچینج میں کاروباری ہفتے کے دوران 100 انڈیکس میں 2156 پوائنٹس کا اضافہ ریکارڈ کیا گیا۔

ایک ہفتے میں انڈیکس 4.9 فیصد اضافے سے 46601 پر بند ہوا، انڈیکس 2340 پوائنٹس کے بینڈ میں رہا جبکہ 100انڈیکس کی ہفتہ وار بلند ترین سطح 46785 رہی۔

اسٹاک مارکیٹ میں ہفتہ بھر میں 2 ارب 38 کروڑ شیئرز کا کاروبار ہوا،  شیئرز بازار کے کاروبار کی مالیت 60 ارب روپے سے زائد رہی

رپورٹ کے مطابق ایک ہفتے میں مارکیٹ کیپٹلائزیشن 283 ارب روپے بڑھ کر 7757 ارب روپے ہو گئی۔