وفاقی حکومت نے گورنر سندھ کیلئے ایم کیو ایم سے نام مانگ لیا

ذرائع کے مطابق وفاقی حکومت  نے سندھ کے گورنر کے لیے ایم کیو ایم پاکستان سے نام مانگ لیے ہیں جس پر متحدہ قیادت حکومت کو دو نام دے گی۔ 

ایم کیوایم کے دو وزراء سید امین الحق، فیصل سبزواری وفاقی کابینہ میں شامل ہوگئے ہیں ۔

 ذرائع کے مطابق وفاقی حکومت نے بلوچستان عوامی پارٹی سے بھی گورنر بلوچستان کے لیے نام مانگ لیے ہیں۔

یاد رہے کہ  وفاقی کابینہ نے آج اسلام آباد میں ایک تقریب میں حلف اٹھا لیا ہے ،  سینٹ کے چیئرمین صادق سنجرانی نے حلف لیا ۔ کابینہ کے ارکان میں  تیس وفاقی وزرا اور تین وزرائے مملکت شامل ہیں ۔