یوٹیلٹی سٹورز پر آٹے اور چینی کی قیمتوں میں کمی 

تفصیلات کے مطابق وزیراعظم کی ہدایت کے مطابق ملک بھر میں تمام   یوٹیلیٹی اسٹورز پر آٹے اور چینی کی قیمتوں میں کمی کا اطلاق کردیا گیا ہے ۔

ترجمان یوٹیلیٹی اسٹورز کارپوریشن کے مطابق رمضان سبسڈی کے تحت ایک کلوچینی کی قیمت 15 روپےکم کی گئی جس کے بعد چینی85 روپےسےکم کرکے70 روپےکلو کردی گئی  ہے۔

دوسری جانب یوٹیلیٹی اسٹورزپر رمضان ریلیف پیکج کےتحت 950 روپے کا ملنے والا 20  کلو آٹے کا تھیلا 800 روپے میں فروخت کیا جائے گا ، جبکہ  10 کلو آٹے کا تھیلہ 400 روپےمیں دستیاب ہو گا۔

ترجمان کے مطابق خریداری کے لیے شناختی کی  شرط بدستور برقرار ہے۔ 

خیال رہے کہ گزشتہ روز وزیراعظم کی زیر صدارت اشیائے ضروریہ کی قیمتوں میں کمی سے متعلق اجلاس ہوا جبکہ یہ ہنگامی اجلاس رمضان المبارک میں عوام کو مزید ریلیف فراہم کرنے کیلئے بلایا گیا تھا ۔