ن لیگ کا پنجاب میں اسپیکر شپ اپنےپاس رکھنے کا فیصلہ

میڈیا ذرائع کے مطابق پیپلز پارٹی وفاق کے فارمولے کے تحت اسپیکر شپ کی ڈیمانڈ کر رہی تھی، پاکستان پیپلز پارٹی اور ترین گروپ دونوں ہی پنجاب میں اسپیکرشپ کے خواہاں تھے۔

بتایا گیا ہے کہ قیادت سے مشاورت کے بعد نومنتخب وزیراعلیٰ پنجاب حمزہ شہباز نے اسپیکرشپ ن لیگ کے ہی پاس رکھنے کا فیصلہ کیا ہے۔

ذرائع کے مطابق ن لیگ نے اسپیکرشپ کے لیے پارٹی کےساتھ مشکل وقت میں کھڑا رہنے والوں کو ترجیح دینے کا فیصلہ کیا اور اس حوالے سے ندیم کامران اور رانامشہود کےناموں پر غور شروع کردیا ہے۔

ندیم کامران کا شمار ن لیگ کی قیادت کے وفادار ساتھیوں میں ہوتا ہے جبکہ رانا مشہود ڈپٹی اسپیکر پنجاب اسمبلی بھی رہ چکے ہیں، دونوں لیگی رہنماؤں کے نام پر قرعہ نکلنے کا امکان ہے۔

واضح رہے کہ موجودہ اسپیکر چودھری پرویز الٰہی کے خلاف تحریک عدم اعتماد کی کامیابی کے بعد ملک ندیم کامران یا رانا مشہود کو اسپیکر بنایا جائے گا۔