یوٹیلیٹی سٹورز کارپوریشن نے سپر سٹورز کے اوقات کار میں اضافہ کردیا 

ترجمان یوٹیلیٹی سٹورز کارپوریشن کے مطابق آج سے ملک بھر میں موجود یوٹیلیٹی سٹورز کے200 سپر مارکیٹس صبح 10 بجے سے رات 1 بجے تک کھلے رہیں گے۔

ترجمان  کاکہنا ہے کہ سپر اسٹورز کے اوقات کار میں اضافہ صارفین کی سہولت کیلئے کیا گیا ہے ۔ 100 سے سٹورز پر پی او ایس مشین میں اضافہ کیا گیا ہے۔ 

ترجمان یوٹیلیٹی سٹورز کارپوریشن  کا کہنا ہے کہ   پی او ایس مشینوں میں اضافے سے کم وقت میں زیادہ صارفین مستفید ہو سکیں گے۔ 

انہوں نے مزید کہاکہ یوٹیلیٹی سٹورز کارپوریشن نے وزیراعظم ریلیف پیکج کے تحت اب تک 1 کروڑ سے زائد خاندان مستفید ہو چکے ہیں۔ 

خیال رہے کہ وزیراعظم کی ہدایت کے مطابق ملک بھر میں تمام   یوٹیلیٹی اسٹورز پر آٹے اور چینی کی قیمتوں میں کمی کا اطلاق کردیا گیا ہے ۔

واضح رہے کہ   کچھ روز قبل وزیراعظم کی زیر صدارت اشیائے ضروریہ کی قیمتوں میں کمی سے متعلق ہنگامی اجلاس رمضان المبارک میں عوام کو مزید ریلیف فراہم کرنے کیلئے بلایا گیا تھا ۔