اسپیکر قومی اسمبلی نے تحریک انصاف کے اراکین کے استعفے ڈی سیل کر دیے

اسپیکر راجہ پرویز اشرف نے تحریک انصاف کے ممبران اسمبلی کے استعفی ڈی سیل کرتے ہوئے کہا کہ استعفے قوانین کے مطابق منظور ہوں گے۔

 میڈیا ذرائع کے مطابق راجہ پرویز اشرف نے کہا کہ استعفے دینے والے ممبران کو اپنے چیمبر بلاؤں گا اور ان سے ون آن ون ملاقات کروں گا جبکہ استعفوں کی منظوری کا عمل جلد شروع ہوگا۔

واضح رہے کہ سابق وزیر اعظم عمران خان کے خلاف تحریک عدم اعتماد کی کامیابی کے بعد پاکستان تحریک انصاف کے 120 سے زائد اراکین قومی اسمبلی نے استعفے دے  دیے تھے۔

تحریک انصاف کے اراکین کے استعفے ڈپٹی اسپیکر قاسم سوری نے منظور کرتے ہوئے الیکشن کمیشن کو بھجوائے تھے۔