وسیم خان آئی سی سی کے جنرل منیجرکرکٹ مقرر

تفصیلات کے مطابق پاکستان کرکٹ بورڈ کے سابق چیف ایگزیکٹو وسیم خان کو انٹرنیشنل کرکٹ کونسل میں جنرل منیجر کرکٹ مقرر کردیا گیا۔

میڈیا رپورٹس کے مطابق انٹرنیشنل کرکٹ کونسل نے وسیم خان کو جیف آلڈرائس کی جگہ اپنا جنرل منیجر کرکٹ مقرر کیا ہے۔

وسیم خان آخری بار پی سی بی کے سی ای او کے عہدے پر فائز تھے، وہ لیسٹر شائر کاؤنٹی کرکٹ کلب اور چانس ٹو شائن کے چیف ایگزیکٹو بھی رہ چکے ہیں۔ 

نیوز رپورٹس میں بتایا گیا ہے کہ وسیم خان اگلے ماہ اپنا نیا عہدہ سنبھالیں گے جبکہ انہوں نے آئی سی سی میں شمولیت اختیار کرنے کو اعزاز قرار دیا ہے۔