دوبارہ رابطے کے باوجود اے این پی نے کابینہ کا حصہ بننے سے انکار کر دیا

تفصیلات کے مطابق وزیر اعظم شہباز شریف کی جانب سے دوبارہ رابطے کے باوجود اتحادی جماعت عوامی نیشنل پارٹی نے کابینہ کا حصہ بننے سے معذرت کر لی ہے۔

میڈیا ذرائع کے مطابق ذرائع اےاین پی نے وزارت مواصلات اور وزیر مملکت کا مطالبہ کیا تھا جبکہ حکومت کی جانب سے ایک ہی وزارت دینے کی پیشکش کی گئی جس سے اختلافات پیدا ہوئے۔

بتایا گیا ہے کہ عوامی نیشنل پارٹی نے سابق صدر آصف زرداری سے وزارت مواصلات اور وزیرمملکت کا مطالبہ کیا تھا۔

عوامی نیشنل پارٹی نے اتحادی جماعت جے یو آئی کے مولانا اسعد محمود کو وزارت مواصلات دینے پر ناراضی کا اظہار کیا تھا۔

واضح رہے کہ اس سے پہلے بھی اے این پی کے سربراہ اسفند یار ولی نے حکومت کا حصہ بننے کی دعوت پر پی پی اور ن لیگ کا شکریہ ادا کرتے ہوئے پارٹی قائدین کو کابینہ میں شمولیت سے روک دیا تھا۔