وزیراعظم آج ایک روزہ دورے پر کوئٹہ پہنچ گئے

تفصیلات کے مطابق دورے کے موقع پر وفاقی وزرا اور اتحادی جماعتوں کے رہنما بھی وزیراعظم شہباز شریف کے ہمراہ ہوں گے ۔ وزیراعلیٰ بلوچستان عبدالقدوس بزنجو اور قائم مقام گورنر وزیراعظم کا استقبال کریں گے ۔

بی این پی کے سربراہ اختر مینگل بھی وزیراعظم کے ہمراہ کوئٹہ  جائیں گے۔

دورہ کوئٹہ کے دوران شہباز شریف کو صوبے میں سیکیورٹی صورتحال اور ترقیاتی منصوبوں پر بریفنگ دی جائے گی۔  وزیرِ اعظم شہباز شریف چمن کوئٹہ شاہراہ کو دو رویہ کرنے کے منصوبے کا سنگِ بنیاد رکھیں گے۔

وزیراعظم  کوئٹہ خضدار شاہراہ کو دو رویہ کرنے کے منصوبے کا سنگِ بنیاد بھی رکھیں گے۔

واضح رہے کہ وزیراعظم بننے کے بعد شہباز شریف کا یہ پہلا بلوچستان کا دورہ ہے۔