وزیر خزانہ نے فیول سبسڈی ختم کرنے کا عندیہ دیدیا

تفصیلات کے مطابق پاکستان اور آئی ایم ایف کے درمیان مذاکرات میں پاکستان نے پیٹرولیم مصنوعات پر سبسڈی ختم کرنے پر اتفاق کرلیا ۔

وزیر خزانہ  مفتاح اسماعیل  کا کہنا ہے کہ امریکا میں آئی ایم ایف حکام سے ملاقات ہوئی، وہ چاہتے ہیں کہ پیٹرول پر سبسڈی نہ دی جائے۔

وزیر خزانہ نے کہا کہ آئی ایم ایف قرض پروگرام کو بحال کرنے کی کوشش کی جارہی ہے ،   حکومت بھی متفق ہے کہ ان سبسڈیز کے متحمل نہیں ہو سکتے، انہیں کم کرنا پڑے گا۔

انہوں نے کہا کہ فیول سبسڈی دے کر عمران خان نے آنے والوں کے لئے جال بچھایا،غریب افرادکےلیےبعض طرح کی سبسڈی برقراررکھناچاہتےہیں، پاکستان میں سبسڈی سےزیادہ ترایلیٹ کلاس کوفائدہ ہوتاہے۔

وزیر خزانہ نےمزید کہا کہ  آئی ایم ایف سےبات چیت اچھےماحول میں ہوئی، پاکستان کونئےمعاشی ماڈل اوربرآمدات بڑھانےکی ضرورت ہے،  متفق ہیں یہ اصلاحات ضروری ہیں اور انہیں متنازع نہیں ہونا چاہیے۔

واشنگٹن میں تھنک ٹینک اٹلانٹک کونسل (Atlantic Council) میں خطاب میں مفتاح اسماعیل نے کہا کہ ایف اے ٹی ایف کی گرے لسٹ سے نکلنا چاہتے ہیں، ایک سال کے اندر انتخابات کی طرف جائیں گے۔