یوکرین میں روسی کارروائیاں جنگی جرائم کے زمرے میں آ سکتی ہیں، اقوام متحدہ

 اقوام متحدہ نے خبردار کیا ہے کہ یوکرین میں روسی کارروائیاں جنگی جرائم کے زمرے میں آ سکتی ہیں۔

اقوام متحدہ  کی جانب سے جاری کیے گئے ایک بیان میں کہا گیا ہے کہ  یوکرین میں روسی کارروائیاں جنگی جرائم تصور کی جا سکتی ہیں۔

اقوام متحدہ  کے بیان کے مطابق روسی فورسز شہریوں اور شہری املاک بہ شمول اسکولوں اور ہسپتالوں کو نشانہ بنا رہی ہیں۔

اقوام متحدہ کے ہائی کمشنر برائے انسانی حقوق کے  بیان میں الزام عائد کیا گیا ہے کہ  روسی فوج کی جانب سے گنجان آباد علاقوں پر شدید بمباری کی جا رہی ہے۔