خیبرپختونخوا میں 3ماہ کے دوران پر تشدد واقعات میں173 فیصد اضافہ

تفصیلات کے مطابق خیبرپختونخوا میں گزشتہ 3 ماہ کے دوران پر تشدد واقعات میں 173 فیصد اضافہ ہوا ہے جس میں 40 فیصد بے گناہ شہریوں کو شہید کیا گیا ہے۔

ایک رپورٹ کے مطابق پرتشدد واقعات کے نتیجے میں سب سے زیادہ 76 افراد پشاور میں جاں بحق ہوئے جبکہ صوبہ بھر میں 75 واقعات میں 189افراد جاں بحق اور 249افراد زخمی ہوئے۔

دوسرے نمبر پر شمالی وزیرستان میں 40، ٹانک 15، باجوڑ 9، لکی مروت میں بھی 9 افراد، ڈی آئی خان میں 7، کوہاٹ، جنوبی وزیرستان میں6 ،6 اورکرم میں 5 افراد نے زندگی کی بازی ہاری۔

بنوں ،ہنگواورخیبرمیں3،3، نوشہرہ میں 2 جبکہ چارسدہ، دیر،اورکزئی، صوابی اور سوات میں ایک ایک شخص جاں بحق ہوا۔

بتایا گیا ہے کہ صوبے کے بیشتراضلاع میں 26فیصد سکیورٹی اہلکاروں کونشانابنایاگیا،3ماہ کے دوران 125سویلین، ایک صحافی،8سیاستدان اور 2مذہبی شخصیات کونشانہ بنایا گیا

مجموعی طور پر صوبے میں88 سکیورٹی اہلکاروں، اورخودکش دھماکوں میں 75 افراد کو نشانہ بنایا گیا۔