وزیر اعظم نے پاکستان بھر میں قیدیوں کی سزا میں کمی کر دی

تفصیلات کے مطابق وزیر اعظم شہباز شریف نے وزیراعظم شہباز شریف نے کوٹ لکھپت جیل لاہور کے دورے کے دوران پاکستان بھر میں قیدیوں کی سزا میں  دو ماہ کی کمی  کا اعلان کیا ہے۔

پرائم منسٹر آفس کے آفیشل ٹوئیٹر اکاؤنٹ سے جاری بیان کے مطابق وزیراعظم نے کوٹ لکھپت جیل حکام کو قیدیوں کی سہولت کے لیے دستیاب ذرائع کو مؤثر طریقے سے بروئے کار لانے کی تاکید کی ہے۔

وزیر اعظم شہباز شریف نے مختلف جرائم میں زیر حراست قیدیوں کے کھانے پینے اور صحت کی سہولیات کو مزید بہتر کرنے کی بھی تاکید کی۔

وزیراعظم شہباز شریف نے آج، 24 اپریل 2022، کو کوٹ لکھپت جیل لاہور کا دورہ کیا اور پاکستان بھر میں قیدیوں کی سزا میں دو ماہ کی کمی کا اعلان کیا۔ pic.twitter.com/Y9dx1bQw1W

— Prime Minister's Office (@PakPMO) April 24, 2022

مزید برآں وزیراعظم کی جانب سے حکام کو قیدیوں کی ہُنر سازی کے لیے دستیاب ذرائع کو مؤثر طور پر استعمال میں لانے کی بھی خصوصی ہدایت کی گئی ہے۔

وزیراعظم نے کوٹ لکھپت جیل حکام کو خصوصی تاکید کی کہ قیدیوں کی سہولت کے لیے دستیاب ذرائع کو مؤثر طریقے سے بروئے کار لایا جائے تاکہ قیدیوں کی بنیادی ضروریات کو پورا کیا جا سکے اس تناظر میں وزیراعظم نے قیدیوں کے کھانے پینے اور صحت کی سہولیات کو مزید بہتر کرنے کی تاکید کی۔

— Prime Minister's Office (@PakPMO) April 24, 2022