سینیئر بیوروکریٹ احد چیمہ کا ملازمت سے مستعفی ہونے کا فیصلہ

تفصیلات کے مطابق 3 سال قید اورمقدمات کا سامنا کرنے والے سینیئر بیوروکریٹ احد چیمہ نے سول سروس سے مستعفی ہونے کا فیصلہ کیا ہے۔

میڈیا ذرائع کے مطابق احد چیمہ گزشتہ 13 روز سے وزیراعظم شہبازشریف کے ساتھ غیر رسمی طور پر منسلک ہیں اور انہوں نے وزیراعظم کو مستعفی ہونے کے فیصلے سے متعلق آگاہ کر دیا ہے۔

ذرائع کا کہنا ہے کہ کرپشن کی انکوائریز، تحقیقات اور گرفتاری کے باعث احد چیمہ کی فیملی دلبرداشتہ تھی،احد چیمہ نے اورنج لائن، میٹرو لاہور،بھکھی پاور پلانٹ پراجیکٹس پر کام کیا۔

اسٹیبلشمنٹ ڈویژن نے احد چیمہ کی گرفتاری کے بعد انہیں معطل کر دیا تھا تاہم اب ان کے خلاف انکوائریز بند کرکے انہیں بحال کیا جا چکا ہے۔

احد چیمہ نے وزیراعظم شہباز شریف سے ملاقات بھی کی ہے جس میں انہوں نے نیب کی حراست اور سیاسی انتقامی کاروائیوں کو مستعفی ہونے کی وجہ قرار دیا، انہوں نے کہا کہ وہ وزیراعظم آفس سمیت کہیں بھی سرکاری منصب یا عہدہ قبول نہیں کر سکتے۔