تحریک انصاف کا وزیراعظم کے خلاف عدالت جانے کا اعلان

تفصیلات کے مطابق تحریک انصاف کے رہنما و سابق وزیر خارجہ شاہ محمود قریشی نے ملتان میں خطاب کرتے ہوئے کہا کہ سپریم کورٹ میں درخواست دائر کریں گے کہ جس شخص پر نیب کے مقدمات ہوں وہ پاکستان کی نمائندگی کرے تو ملک کے وقار کو نقصان پہنچتا ہے۔

ان کا کہنا تھا کہ پٹیشن دائر کررہے ہیں کہ جب تک شہباز شریف مقدمے سے بری نہیں ہوتے مسلم لیگ (ن) اپنے کسی دوسرے رکن کو نامزد کردے۔

شاہ محمود قریشی  نے کہا کہ عمران خان کو نااہل کرنے اور پی ٹی آئی پر پابندی لگانے کی سازش ہو رہی ہے۔ حکومت نے پہلا کام عوام کی بھلائی کا نہیں کیا ، امپورٹڈ حکومت نے سب سے پہلے اپنے لوگوں کے نام ای سی ایل سے نکالے ۔ کابینہ میں آدھے سے زیادہ لوگ ضمانت پر ہیں ، بھٹو کا نواسہ لندن میں نوازشریف سے 10سیٹوں کی بھیک مانگنے گیا ۔  13جماعتوں کا اتحاد  غیر فطری  ہے جلد  بکھر جائے گا۔