امپورٹڈ حکومت کی کوئی آئینی حیثیت نہیں ، جلد جان چھوٹ جائے گی : شیخ رشید 

تفصیلات کے مطابق سابق وزیر داخلہ  شیخ رشید کا کہنا ہے  کہ جلد امپورٹڈ حکومت سے جان چھوٹے گی ۔ سپریم کورٹ سے جلد اچھی خبریں متوقع ہیں۔

انہوں نے کہا کہ امپورٹڈ حکومت کی کوئی  آئینی  حیثیت نہیں ، یہ حکومت بیرونی سازش سے چور دروازے سے بنیں۔

سابق وفاقی وزیرشیخ رشید کا کہنا ہے کہ امپورٹڈ حکومت کی فرار کی تیاریاں شروع ہو چکی ہیں ، ای سی ایل سے ڈیڑھ سو ملزموں کے نام نکال دیے گئے ہیں۔

انہوں نے کہا ہے کہ سرکاری خزانے کا دوبارہ بےدریغ استعمال  شروع ہوچکا ہے،  حکومت سنبھالی نہیں جارہی  ہے یہ این آر او ٹو لینے آئے ہیں۔

#امپورٹڈ_حکومت_نامنظور pic.twitter.com/lLcjYyupqh

— Sheikh Rashid Ahmed (@ShkhRasheed) April 25, 2022

خیال رہے کہ پاکستان تحریک انصاف (پی ٹی آئی) نے وزیراعظم شہباز شریف کے خلاف سپریم کورٹ جانے کا بھی  اعلان کردیا ہے ۔