حکومت لوڈ شیڈنگ کا مسئلہ حل کر رہی ہے :  وزیراعظم

تفصیلات کے مطابق سماجی رابطے کی سائٹ ٹوئٹر پر پیغام میں  وزیراعظم شہباز شریف نے کہا کہ پاکستان تحریک انصاف (پی ٹی آئی) حکومت نے ایندھن بروقت خریدا نہ پاور پلانٹس کی مرمت کرائی۔

انہوں نے کہا کہ لوڈشیڈنگ کی وجہ ایندھن بروقت نہ خریدنا اور پاور پلانٹس کی مرمت نہ کرانا ہے۔ ناکارہ پلانٹس کے ذریعے مہنگی بجلی پیدا کرنے سے عوام کو ماہانہ سو ارب روپے کا نقصان ہو رہا ہے ، ہم لوڈشیڈنگ کے معاملے کو درست کر رہے ہیں۔

وزیراعظم نے مزید کہا کہ نواز شریف کی حکومت نے 5 سال میں بدترین لوڈ شیڈنگ ختم کردی تھی۔

Mian Nawaz Sharif's govt ended the worst load-shedding in 5 years. PTI govt neither purchased fuel in time nor repaired power plants. Hence the current load-shedding. Costly power generation through inefficient plants is costing the people Rs.100 billion/month. We are fixing it.

— Shehbaz Sharif (@CMShehbaz) April 25, 2022

خیال رہے کہ ملک بھر میں لوڈشیڈنگ  کاسلسلہ جاری ہے ، کچھ شہروں میں  لوڈشیڈنگ کا دورانیہ 8 سے 15 گھنٹوں تک ہے۔