احمدپورسیال میں خوفناک ٹریفک حادثہ ، 6 افراد جاں بحق 

جی این این کے مطابق پنجاب کے ضلع جھنگ کی تحصیل احمدپور سیال  میں حادثہ پیش  آ یا ہے جہاں لیہ روڈ بلاکی کے قریب  پک اپ  اور ہائی روف  میں تصادم  کے نتیجے میں  6 افراد جاں بحق ہوگئے جبکہ 3 زخمی ہوئے ہیں ۔ 

جاں بحق ہونے والوں میں 3 خواتین ،2 مرد اور ایک بچی شامل ہے ۔  حادثے کی اطلاع ملتے ہی  ریسکیو ٹیمیں موقع پر پہنچ گئیں  اور زخمیوں ،لاشوں کو ہسپتال منتقل کردیا ۔

 اسپتال میں زخمیوں کو طبی امداد فراہم کی جارہی ہے جبکہ لاشوں کو ضابطے کی کارروائی کے بعد ورثا کے حوالے کردیا جائے گا۔