احسن اقبال کے’توہین آمیز‘ تبصرے پر کیوبا کے سفیر کا ردِعمل

پاکستان میں کیوبا کے سفیر زینر کارو نے سماجی رابطے کی ویب سائیٹ ٹوئیٹر پر وفاقی وزیر برائے ترقی و منصوبہ بندی احسن اقبال کے توہین آمیز تبصرے پر رد عمل دیا ہے۔

کیوبا کے سفیر نے احسن اقبال کے ٹوئیٹ کو ری ٹوئیٹ کرتے ہوئے لکھا کہ بدقسمتی سے وفاقی وزیر احسن اقبال کا لاہورمیں پریس کانفرنس کے دوران کیوبا سے متعلق توہین آمیز تذکرہ پاکستانیوں کے کیوبا سے حقیقی احترام اور گہری محبت کی نمائندگی نہیں کرتا۔

Fortunately, Minister Ahsan Iqbal's (@betterpakistan) disrespectful mention of Cuba in his press conference in Lahore does not represent and has nothing to do with Pakistanis' true respect and deep affection for Cuba. https://t.co/7LrB6u453k

— Zéner Caro (@ZenerCaro) April 25, 2022

واضح رہے کہ اتوار کو لاہور میں پریس کانفرنس کرتے ہوئے احسن اقبال نے  کیوبا کے معاشی حالات پر تبصرہ کیا تھا۔

احسن اقبال نے کہا تھا کہ پاکستان کو کیوبا یا شمالی کوریا جیسی حالت میں نہیں لانا چاہتے بلکہ ملائیشیا، ترکی اور چین کی طرح ترقی کے راستے پر چلانا چاہتے ہیں۔

وفاقی وزیر احسن اقبال کو کیوبا سے متعلق قابلِ اعتراض تبصرے کے بعد سوشل میڈیا صارفین کی جانب سے شدید تنقید کا سامنا ہے۔

بعدازاں وفاقی وزیر احسن اقبال نے اپنے بیان کی وضاحت میں کیوبا کے سفیر کے ٹوئیٹ پر کہا کہ ان کا تبصرہ ’صرف خارجہ پالیسی سے متعلق‘ تھا۔

Excellency! We have deep respect for the people of Cuba & our deep affectionate relations with Cuba. We can’t forget how Cuban doctors played heroic role in after math of 2005 earthquake in Pakistan. My remarks were only in the context of foreign policy.@ZenerCaro https://t.co/4GVQiqdVPY

— Ahsan Iqbal (@betterpakistan) April 25, 2022

انہوں نے کہا کہ ہم کیوبا کے لوگوں کا احترام کرتے ہیں اور ان سے گہرے تعلقات ہیں، ہمیں یاد ہے کہ کس طرح کیوبا کے ڈاکٹروں نے 2005 کے زلزلے کے دوران بہادرانہ کردار ادا کیا۔