این اے- 240 کراچی کی خالی نشست پر ضمنی انتخاب کا شیڈول جاری

تفصیلات کے مطابق ایم کیو ایم کے رکن اسمبلی اقبال محمد علی کے انتقال پر  قومی اسمبلی کے حلقہ این اے 240 کی نشست خالی پڑی ہے جس  پر الیکشن کمیشن نے ضمنی انتخاب کا شیڈول جاری کردیا ہے۔

جاری شیڈول کے مطابق کاغذات نامزدگی 7 مئی سے 10 مئی کے درمیان جمع ہوں گے، 11 مئی کو امیدواروں کی فہرست جاری ہو گی جبکہ 14 مئی کا دن امیدواروں کی اسکروٹنی کا آخری دن ہو گا۔

الیکشن کمیشن کے شیڈول کے مطابق 17 مئی کو نااہل امیدواروں کی اپیلیں سنی جائیں گی، اپیلوں پر فیصلہ 21 مئی کو کیا جائے گا، 23 مئی کو حتمی فہرست جاری ہو گی جب کہ 24 مئی تک امیدواروں کے پاس دستبردار ہونے کا آپشن ہوگا۔

#ECP #ElectionCommissionofPakistan pic.twitter.com/sYqZWclylj

— Election Commission of Pakistan (OFFICIAL) (@ECP_Pakistan) April 25, 2022

25 مئی کو امیدواروں کو ان کے انتخابی نشانات جاری کر دیے جائیں گے جبکہ 16 جون 2022ء کو حلقہ این اے 240 پرانتخاب ہو گا۔

واضح رہے کہ این اے 240 کی نشست ایم کیو ایم پاکستان کے ممبر قومی اسمبلی اقبال محمد علی کے انتقال کے باعث خالی ہوئی ہے، اس نشست کی اہمیت موجودہ سیاسی صورت میں کافی بڑھ گئی ہے۔