ملک کے مختلف شہروں میں ڈیزل کی مصنوعی قلت پیدا ہوگئی

تفصیلات کے مطابق پیٹرولیم مصنوعات پر سبسڈی ختم ہونے کی خبروں کے بعد ملک کے مختلف شہروں میں ڈیزل کی مصنوعی قلت پیدا ہو گئی ہے جس سے وسطی اور جنوبی پنجاب میں پیٹرول پمپس پر لمبی قطاریں لگ گئی ہیں۔

میڈیا ذرائع کے مطابق سندھ میں بھی ڈیزل کی قلت کا مسئلہ سنگین ہو گیا ہے جہاں ڈیلرز اور آئل کمپنیز نے بحران کو ملبہ ایک دوسرے پر ڈالنا شروع کر دیا ہے۔

آئی ایم ایف ی شرائط پر عمل در آمد ناگزیر ہے جس سے ڈیزل کی قیمت میں 52 روپے فی لیٹر تک اضافے کا امکان ہے جس کے باعث عوام میں افراتفری کا عالم ہے۔

پنجاب کے مختلف شہروں میں پیٹرول پمپس پر عوام بڑی تعداد میں ڈیزل کی خریداری کے لیے پہنچ گئے جہاں کسی کو ڈیزل ملا کسی کو نہ ملا۔۔

ملتان، بھکر، بہاولنگر، پارون آباد اور چشتیاں میں بھی ڈیزل نایاب ہو گیا، قصور، ساہیوال، صفدر آباد، میاں چنوں اور ظفروال میں بھی ڈیزل کی قلت کی شکایات مل رہی ہیں۔ 

دوسری جانب آئل اینڈ گیس ریگولیٹری اتھارٹی (اوگرا) کے ترجمان کا کہنا ہے کہ پورے ملک میں ڈیزل اور پیٹرول کی مناسب مقدار دستیاب ہے۔