آرمی چیف کا لائن آف کنٹرول پر اگلے مورچوں کا دورہ

تفصیلات کے مطابق چیف آف آرمی اسٹاف جنرل قمر جاوید باجوہ نے لائن آف کنٹرول پر اگلے مورچوں کا دورہ  کیا ہے۔

پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے لائن آف کنٹرول پر چکوٹھی سیکٹر کا دورہ کیا جہاں لیفٹیننٹ جنرل ساحر شمشاد مرزا نے ان کا استقبال کیا۔

آئی ایس پی آر کے مطابق آرمی چیف کو لائن آف کنٹرول کی صورت حال اور آپریشنل تیاریوں پر بریفنگ دی گئی، انہوں نے جوانوں کے حوصلے اور عزم کو سراہا۔

آرمی چیف جنرل قمر جاوید باجوہ چکوٹھی سیکٹر میں تعینات دستوں سے بھی ملے، انہوں نے لائن آف کنٹرول پر تعینات جوانوں کے ساتھ بھی وقت گزارا۔