سابق چیف جسٹس ثاقب نثارکی چیئرمین تحریک انصاف سے ملاقات

تفصیلات کے مطابق سابق چیف جسٹس آف پاکستان ثاقب نثار نے لاہور زمان پارک میں سابق وزیر اعظم عمران خان سے ملاقات ہوئی جس میں موجودہ ملکی حالات، نئی حکومت اور عدلیہ کے کردار سمیت آئینی نکات پر بات چیت ہوئی۔

میڈیا رپورٹس کے مطابق ملاقات میں جسٹس ریٹائرڈ ثاقب نثار نے چیئرمین تحریک انصاف عمران خان کو عدلیہ پر تنقید نہ کرنے کا مشورہ دیا۔

سابق چیف جسٹس کا کہنا تھا کہ عمران خان سے پنجاب کے آئینی بحران پر بات نہیں ہوئی، انہوں نے وزیراعلیٰ پنجاب کے حلف سے متعلق بات چیت کی بھی نفی کی ہے۔