کراچی میں چینی اساتذہ پر خودکش حملہ: چین کا بھرپور ردعمل

تفصیلات کے مطابق چینی وزارت خارجہ نے جامعہ کراچی میں ہونے والے خود کش حملے کی پر زور مذمت کرتے ہوئے غم و غصے کا اظہار کیا ہے۔

سماجی رابطے کی ویب سائیٹ ٹوئیٹر پر جاری بیان میں چینی وزارت خارجہ کے ترجمان نے کہا کہ چین اور پاکستان کے درمیان آہنی دوستی میں دراڑ نہیں ڈالی جاسکتی.

ترجمان چینی دفتر خارجہ کا کہنا ہے کہ پاکستان اور چین کے باہمی اعتماد، تعاون اور سی پیک کو سبوتاژ کرنےکی کوئی بھی کوشش کامیاب نہیں ہو گی۔

ترجمان نے کہا کہ چین پاکستان کی انسداد دہشت گردی کی کوششوں کی بھرپور حمایت کرتا ہے کیونکہ دہشت گردی انسانیت کی مشترکہ دشمن ہے۔

China firmly supports Pakistan’s counter-terrorism efforts as terrorism is a common enemy of mankind. We will work with Pakistan to hunt down the perpetrators, bring them to justice and make them pay a heavy price.

— Spokesperson发言人办公室 (@MFA_China) April 27, 2022

چینی وزارت خارجہ کا مزید کہنا ہے کہ مجرموں کو پکڑنے، انہیں انصاف کے کٹہرے میں لانے کے لیے پاکستان کے ساتھ مل کر کام کریں گے، حملہ کرنے والوں کو اس کی قیمت ادا کرنا ہو گی۔