پنجاب اسمبلی کے کل ہونے والے اجلاس کے ایس او پیز جاری

تفصیلات کے مطابق پنجاب اسمبلی کے 28 اپریل 2022ء دن ساڑھے 11 بجے ہونے والے اجلاس کے ایس او پیز جاری کر دیے گئے ہیں۔

اسمبلی سیکرٹریٹ سے جاری ہدایات کے مطابق اجلاس کے دوران اسمبلی ہال میں مہمانوں کا داخلہ قطعی بند ہوگا۔

جاری ایس او پیز کے مطابق ایوان میں موبائل فون لے جانے کی اجازت نہیں ہو گی،تمام اراکین اسمبلی اپنے موبائل فونز ایوان سے باہر اسمبلی سکیورٹی عملہ کے پاس جمع کروائیں گے۔

ایوان میں لیڈیز ہینڈ بیگز بھی لے جانے کی اجازت نہیں ہوگی، خواتین اراکین اسمبلی اپنے ہینڈ بیگز سکیورٹی عملہ کو جمع کروائیں گی۔