وزیر اعظم شہباز شریف وفد کے ہمراہ سعودی عرب پہنچ گئے

تفصیلات کے مطابق منصبِ وزارت عظمی سنبھالنے کے بعد وزیراعظم شہباز شریف اپنے پہلے غیر ملکی دورے پر سعودی عرب پہنچ گئے ہیں۔ 

وزیر اعظم ہاؤس کے آفیشل ٹوئیٹر اکاؤنٹ سے جاری بیان کے مطابق گورنر مدینہ فیصل بن سلمان آل سعود نے اعلیٰ سعودی حکام کے ہمراہ ہوائی اڈے پر وزیر اعظم کا استقبال کیا۔

بتایا گیا ہے کہ سعودی عرب دورے کے دوران وزیراعظم ولی عہد شہزادہ محمد بن سلمان بن عبدالعزیز اور دیگر متعلقہ حکام کے ساتھ ملاقاتیں کریں گے۔

سعودی حکام سے ملاقاتوں میں اقتصادی و تجارتی روابط کو بڑھانے اور سرمایہ کاری کو فروغ دینے کے حوالے سے بات چیت کی جائے گی۔

سعودی عرب کے ولی عہد شہزادہ محمد بن سلمان بن عبدالعزیز کی دعوت پر وزیراعظم محمد شہبازشریف وفد کے ہمراہ سعودی عرب کے تین روزہ اعلی سطحی سرکاری دورے پر مدینہ منورہ پہنچ گئے ہیں۔

گورنر مدینہ فیصل بن سلمان آل سعود نے اعلی سعودی حکام کے ہمراہ ہوائی اڈے پر وزیر اعظم کا استقبال کیا۔ pic.twitter.com/3tZBs6lEBq

— Prime Minister's Office (@PakPMO) April 28, 2022

سعودی دورے پر موجود وزیر اعظم شہباز شریف  اپنے وفد کے ہمراہ روضۂ رسول صلی اللہ علیہ وسلم پر حاضری دیں گے، اور عمرہ کی سعادت حاصل کریں گے۔