قاسم سوری نے اپنے اوپر ہونے والے حملے کیخلاف درخواست دے دی

میڈیا ذرائع کے مطابق قاسم سوری کی مدعیت میں تھانہ کوہسار میں مقدمہ درج کر لیا گیا، مقدمےمیں ہنگامہ آرائی اور دھمکیوں کی دفعات شامل کی گئی ہیں۔

قاسم خان سوری نے مؤقف اختیار یا ہے کہ ہم سحری کے لیے کوہسار مارکیٹ میں موجود تھے، میرے ساتھ عدیل، ڈاکٹر عارف اور کچھ خواتین بھی تھیں۔

15 سے 20 لوگوں کا جتھہ آیا اور پاکستان تحریک انصاف کے خلاف نعرے بازی شروع کر دی،ملزمان باہم صلاح مشورے سے مسلح ڈنڈا حملہ آور ہوئے۔

حملہ آوروں نے نعرہ لگایا کہ کوئی بچ کے نہ جانے پائے، ان کے اس طرز عمل سے ارد گرد کے لوگوں میں بھی خوف ہراس پھیل گیا۔

واضح رہے کہ گزشتہ رات اسلام آباد کی کوہسار مارکیٹ میں ہوٹل پر سحری کے وقت رہنما تحریک انصاف قاسم سوری کے ساتھ یہ واقع پیش آیا جس میں مشتعل افراد نے پی ٹی آئی مخالف نعرے لگاتے ہوئے ان پر حملہ کیا تھا۔