رکن صوبائی اسمبلی وقار خان انتقال کرگئے

تفصیلات کے مطابق عوامی نیشنل پارٹی کے رکن صوبائی اسمبلی وقار خان آج حرکت قلب بند ہوجانے سے انتقال کرگئے ہیں۔

مرحوم وقار خان 2018ء کے عام انتخابات میں پی کے7 سوات سے عوامی نیشنل پارٹی کے ٹکٹ پر ممبر خیبرپختونخوا اسمبلی منتخب ہوئے تھے۔

خاندانی ذرائع نے بھی  وقار خان کے انتقال کی تصدیق کی ہے، ان کا کہنا ہے کہ  مرحوم کی نماز جنازہ آج رات ساڑھے 9 بجےادا کی جائے گی۔

وقار خان کے انتقال پر وزیراعلیٰ خیبر پختونخوا محمود خان، عوامی نیشنل پارٹی کے سربراہ اسفند یار ولی اور دیگر اعلیٰ سیاسی شخصیات نے اظہار افسوس کیا ہے۔