نوشہرہ: تارو آئل ٹینکرز ڈپو میں خوفناک آگ بھڑک اٹھی

میڈیا ذرائع کے مطابق آتشزدگی کی اطلاع ملتے ہی نوشہرہ بھر سے ریسکیو1122 فائر فائیٹرز اور فائر وہیکلز موقع پر روانہ ہو گئے ہیں اور آگ پر قابو پانے کی کوششیں جاری ہیں۔

ریسکیو حکام نے بتایا کہ تارو جبہ آئل ڈپو کے کچھ فاصلے پر موجود پارکنگ ایریا میں آگ لگی اور دیکھتے ہی دیکھتے کافی دور تک پھیل گئی جس میں 20 کے قریب ٹینکر جلنے کی اطلاعات ہیں۔

 آگ کی شدت کو دیکھتے ہوئے پشاور، مردان اور چارسدہ سے بھی فائر وہیکلز طلب کی  گئیں،بتایا گیا ہے کہ کل 25 فائر وہیکلز آگ پر قابو پانے کوششوں میں مصروف ہیں جبکہ ریسکیو 1122 کے 150 اہلکار آپریشن میں حصہ لے رہے ہیں۔

ڈپٹی کمشنر کے مطابق آئل ڈپو میں آگ لگنے کے باعث مجموعی طور  20 لاکھ لیٹر پیٹرول جل گیا ہے جبکہ نقصان کا تخمینہ لگایا جا رہا ہے۔