آرمی چیف کا پدھار سیکٹر دورہ ، جوانوں کے ساتھ افطار کیا

پاک فوج کے شعبہ تعلقاتِ عامہ کے مطابق فرنٹ لائن پہنچنے پر لیفٹیننٹ جنرل ساحر شمشاد مرزا نے آرمی چیف کا استقبال کیا۔

 آرمی چیف کو لائن آف کنٹرول کی صورت حال اور فارمیشن کی آپریشنل تیاریوں پر بریفنگ دی گئی جبکہ انہوں نے افسروں اور جوانوں سے بات چیت اور ان کے ہمراہ افطار بھی کیا۔ 

آرمی چیف نے اگلے مورچوں پر تعینات جوانوں کے بلند عزم اور مادر وطن کے دفاع کے مقدس فریضے کی اعلیٰ پیشہ وارانہ کارکردگی کے ساتھ انجام دہی کو سراہا۔