شوال کا چاند دیکھنے کے لیے اجلاس جاری

میڈیا ذرائع کے مطابق رویت ہلال کمیٹی کا اجلاس وفاقی دارالخلافہ اسلام آباد میںجاری ہے جس کی صدارت چیئرمین مولانا عبدالخبیر آزاد کر رہے ہیں جبکہ زونل کمیٹیوں کے اجلاس صوبائی دارالحکومتوں میں ہو رہے ہیں۔

محکمہ موسمیات کے مطابق پاکستان میں یکم مئی کو شوال کا چاند نظر آنے کے امکانات موجود نہیں ہیں، ملک کے زیادہ تر حصوں میں مطلع ابر آلود رہے گا جس وجہ سے عید الفطر 3 مئی بروز منگل کو ہونے کے قوی امکانات ہیں۔

مرکزی رویت ہلال کمیٹی کا کہنا ہے کہ  پاکستان میں ابھی تک کسی بھی جگہ چاند نظر آنے کی کوئی اطلاع نہیں ہے، سرکاری اعلان کا انتظار کریں۔

پشاور میں بھی رویت ہلال زونل کمیٹی کا اجلاس اوقاف ہال میں جاری ہے، محکمہ موسمیات کے مطابق پشاور میں چاند دکھنے کا دورانیہ 37 منٹ ہے، یہ بھی بتایا گیا ہے کہ موسم ابر الود ہونے کی وجہ سے چاند نظر آنے کے امکانات کم ہیں۔

واضح رہے کہ گزشتہ روز سعودی عرب میں بھی شوال کا چاند نظر نہیں آیا تھا، سعودی عرب سمیت دیگر عرب ممالک میں عید الفطر 2 مئی بروز پیر کو ہوگی۔