سندھ اور پنجاب میں شوال کا چاند نظر نہیں آیا

تفصیات کے مطابق صوبہ پنجاب اور صوبہ سندھ کی زونل رویت ہلال کمیٹیوں نے شوال کا چاند نظر نہ آنے کا اعلان کردیا ہے۔

میڈیا رپورٹس کے مطابق لاہور میں زونل رویت ہلال کمیٹی کے عہدیداروں نے کہا کہ پنجاب میں چاند نظرآنے کی کوئی شہادت موصول نہیں ہوئی جبکہ سندھ زونل کمیٹی نے بھی کراچی سمیت صوبے بھر میں شوال کا چاند نظر نہ آنے کی تصدیق کی ہے۔

کوئٹہ میں بھی زونل رویت ہلال کمیٹی کا اجلاس جاری تھا، بلوچستان میں بھی عید کا چاند نظر آنے کا اعلان کیا گیا ہے۔

محکمہ موسمیات نے بھی پاکستان میں یکم مئی کو شوال کا چاند نظر نہ آنے کا امکان ظاہر کرتے ہوئے کہا تھا ملک کے زیادہ تر حصوں میں مطلع ابر آلود رہے گا جس وجہ سے عید الفطر کا چاند نظر آنا مشکل ہے جبکہ عید 3 مئی بروز منگل کو ہونے کے قوی امکانات ہیں۔

پشاور رویت ہلال زونل کمیٹی کا اجلاس جاری ہے، تاہم ابھی تک کوئی حتمی اعلان نہیں کیا گیا، محکمہ موسمیات کے مطابق پشاور میں چاند دکھنے کا دورانیہ 37 منٹ ہے، یہ بھی بتایا گیا ہے کہ موسم ابر الود ہونے کی وجہ سے چاند نظر آنے کے امکانات کم ہیں۔

دوسری جانب مرکزی رویت ہلال کمیٹی کا کہنا ہے کہ اسلام آباد سمیت پاکستان بھر سے ابھی تک کسی بھی جگہ چاند نظر آنے کی کوئی اطلاع نہیں ہے، سرکاری اعلان کا انتظار کریں۔

واضح رہے کہ گزشتہ روز سعودی عرب میں بھی شوال کا چاند نظر نہیں آیا تھا، سعودی عرب سمیت دیگر عرب ممالک میں عید الفطر 2 مئی بروز پیر کو ہوگی۔