شمالی وزیرستان میں  فورسز کی کارروائی،کالعدم ٹی ٹی پی کے 2 دہشتگرد ہلاک

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے بویا میں 16 اور 17 مئی کی درمیانی رات سکیورٹی فورسز اور دہشتگردوں میں فائرنگ کا تبادلہ ہوا ، اس دوران  فورسز کی جوابی فائرنگ میں 2 دہشت گرد مارے گئے۔

آئی ایس پی آر کے مطابق  فورسز کی فائرنگ سے ہلاک دہشتگرد انتہائی مطلوب تھے جن کی شناخت کمانڈر رشید عرف جابر اور عبدالسلام عرف چمٹو کے نام سے ہوئی۔

آئی ایس پی آر کے مطابق  دہشتگرد علاقے میں دہشتگردی کی کارروائیوں میں ملوث تھے ،  ان کے قبضے سے اسلحہ اور گولہ بارود بھی برآمد کیا گیا ہے ۔