ڈالر کی اسپیڈ اور روپےکی بےقدری جاری، ڈالر195کا ہو گیا

ڈالر کی اسپیڈ اور روپے کی بےقدری جاری، انٹر بینک میں ڈالر ایک روپے 2 پیسے مہنگا ہو کر 195 روپے 20 پیسے کا ہوگیا۔

موجودہ حکومت کے آنے کےبعد ڈالر کی قیمت میں اب تک 12 روپے 9 پیسے کا اضافہ ہوچکا ہے۔ جبکہ ڈیڑھ ماہ میں قرضوں کا بوجھ 14سو ارب روپے بڑھ گیا ہے۔

گزشتہ روز انٹر بینک میں ڈالر ایک روپے 47 پیسے مہنگا ہو کر 194 روپے کا ہوگیا تھا۔

سابق وزیرداخلہ شیخ رشید کہہ چکے ہیں کہ ممکنہ طور200 روپے کا ہندسہ عبور کرے گا جس سے موجودہ حکومت کی مشکلات میں اضافہ ہونے جارہا ہے ، جبکہ ڈالر کی قیمت حوالے سے سئینئیر صحافی ارشاد بھٹی کی ٹویٹ بھی وائرل ہورہی ہے جس میں انہوں نے ڈالر کے 194 رنز کے ہندسے کے عبور کرنے  کے بعد سوشل میڈیا پر پوسٹ کیا 

 سینئر صحافی اور کالم نگار ارشاد بھٹی کی جانب سے سماجی رابطوں کی ویب سائٹ ٹوئٹر پر جاری پیغام میں ڈالر کی بے لگام قیمت کے حوالے سے اور شہباز شریف حکومت کی معاشی کارکردگی پر طنز کیا گیا

انہوں نے اپنے ٹوئٹ میں لکھا کہ "لندن سے تازہ تازہ پاکستان پہنچی اپنی اہل اور لائق حکومت کو بتانا ہے کہ ڈالر اوپن مارکیٹ میں سعید انور کے 194 رنز کا ریکارڈ توڑنے کے بعد اب فخر زمان کے 209 رنز کی طرف بڑھ رہا ہے اور بظاہر فخرزمان کا ریکارڈ بھی خطرے میں لگ رہا ہے، روک سکو تو روک لو"۔

لندن سے تازہ تازہ پاکستان پہنچی اپنی اہل اور لائق حکومت کو بتانا ہے کہ ڈالر اوپن مارکیٹ میں سعیدانور کے 194 رنز کا ریکارڈ توڑنے کے بعد اب فخر زمان کے 209 رنز کی طرف بڑھ رہا ہے اور بظاہر فخرزمان کا ریکارڈ بھی خطرے میں لگ رہا ہے۔۔

روک سکو تو روک لو۔۔

— Irshad Bhatti (@IrshadBhatti336) May 16, 2022