وزیراعلی ٰ بلوچستان کیخلاف تحریک عدم اعتماد جمع کرائے جانے کا امکان 

ذرائع کے مطابق بلوچستان میں ایک بار پھر حکومت کی تبدیلی کا امکان ، وزیراعلیٰ میر عبدالقدوس بزنجو کےخلاف اپنی ہی جماعت اور اتحادی متحد ہوگئے ۔

وزیراعلی ٰ بلوچستان عبدالقدوس بزنجو کیخلاف  تحریک عدم اعتماد جمع کرانے کیلئے17 ایم پی ایز  نے دستخط کردیے ۔ جام کمال ، ظہور بلیدی ، ، یار محمد رند سمیت دیگر ارکان نے دستخط  کر دیے ۔

اس حوالے سے سردار یار محمد رند کا کہنا ہے کہ دوستوں نے تحریک عدم اعتماد پر دستخط کر دیے، عدم اعتماد کے لیے ہماری تعداد پوری ہو گئی ہے ،  جب ہمیں کہا جائے گا تو جا کر عدم اعتماد جمع کرا دیں گے ۔ 

ان کاکہنا تھا کہ قدوس صاحب سے بلوچستان کے عوام سخت مایوس ہو چکے ہیں ، عبدالقدوس بزنجو کے خلاف تحریک عدم اعتماد کامیاب ہوگی ۔