اسپیکر پرویزالہی نے پنجاب اسمبلی کا اجلاس کل طلب کرلیا 

تفصیلات کے مطابق اسپیکر پنجاب اسمبلی چوہدری پرویز الٰہی کی جانب سے آئینی اختیارات کا استعمال کرتے ہوئے اجلاس کی تاریخ میں تبدیلی کی گئی ہے۔

اسپیکر پنجاب اسمبلی کی جانب سے پنجاب اسمبلی کا اجلاس 22 مئی کو طلب کرنے کا نوٹیفیکیشن بھی جاری کیا گیا ہے۔

یاد رہے کہ پہلے پنجاب اسمبلی کا اجلاس 30 مئی کو طلب کیا گیا تھا۔

واضح  رہےکہ الیکشن کمیشن  نے گزشتہ روز پی ٹی آئی کے منحرف ارکان پنجاب اسمبلی کے خلاف ریفرنس منظور  کرتے ہوئے 25 ارکان کو ڈی سیٹ کردیا  ہے  جس کے بعد اپوزیش کا کہنا ہےکہ حمزہ  شہباز اب وزیراعلیٰ نہیں رہے اور اسمبلی کا اجلاس  دوبارہ طلب کرکے وزیراعلیٰ کا انتخاب کیا جائے گا۔