فیصل آباد : کار اور ٹرک میں تصادم ، 3 خواتین جاں بحق

پولیس کے مطابق حادثہ موٹروے ایم فور پر ڈپٹی والا انٹرچینج کے قریب پیش آیا جہاں تیز رفتار کار آگے جانے والے ٹرک سے پیچھے سے ٹکرا گئی ۔

حادثے میں  ڈرائیور اور ایک خاتون زخمی ہو گئے،  کار سوار فیملی لاہور ایئر پورٹ سے واپس فیصل آباد آ رہی تھی۔

جاں بحق ہونے والی خواتین کی شناخت نزہت علی ، ناہید ،ارم کے نام سے ہوئی ۔  حادثے  کے فوری بعد زخمیوں اور جاں بحق خواتین کی لاشیں الائیڈ اسپتال منتقل کردی گئیں ہیں۔

پولیس کے مطابق کار سوار فیملی کا تعلق فیصل آ باد کے علاقہ خیابان کالونی سے تھا جو لاہور ایئرپورٹ سے واپس آرہی تھی۔