امپورٹڈ حکومت کی پولیس نے پرامن مظاہرین پر بربریت کی : عمران خان

تفصیلات کے مطابق سابق وزیراعظم عمران خان  نے سماجی رابطے کی ویب سائٹ ٹوئٹر پر اظہار خیال کرتے ہوئے کہا کہ  آزادی مارچ سے پہلے پنجاب اور سندھ پولیس نے تحریک انصاف کے کارکنوں کے گھروں کی حرمت پامال، خاندانوں کو ہراساں کیا۔

انہوں نے کہا کہ لانگ مارچ کے دوران آئین اور سپریم کورٹ کے احکامات کی دھجیاں اڑائی گئیں ۔ 

قابلِ مذمت اور ناقابلِ قبول! دستور+سپریم کورٹ کےاحکامات ہوامیں اڑاتےہوئےاس مجرم امپورٹڈ حکومت نےہمارےآزادی مارچ کےشرکاء کیخلاف پولیس کی وحشت آزمائی۔ہمارےمارچ سےایک رات قبل پنجاب و سندھ میں PTIکارکنان کےگھروں کی حرمت پامال، اہلِ خانہ کو ہراساں کیاگیا۔pic.twitter.com/r10mlgVYSd

— Imran Khan (@ImranKhanPTI) May 29, 2022

یاد رہے کہ اس سے قبل عمران خان نے لانگ مارچ روکنے کے خلاف سپریم کورٹ جانے کا اعلان کیا تھا ، ان کا کہنا تھا کہ سپریم کورٹ ہمیں بتا دے کیا پر امن احتجاج جمہوری پارٹی کا حق ہے یا نہیں۔  عدالت سے احتجاج کی کلیئرنس مل جائے، دعویٰ کرتا ہوں اتنے لوگوں کو باہرنکالوں گا پہلے کبھی نہیں نکلے ہوں گے۔

سابق وزیراعظم کا کہنا تھا کہ ’سپریم کورٹ کی گائیڈ لائنز کے باوجود انہوں نے لوگوں کو مارا۔ عدالتی حکم کے بعد جو کچھ ہوا ہم اس کے لیے تیار نہ تھے۔