خیبر پختونخوا کے جنگلات میں 6 مقامات پر آگ بھڑک اٹھی، امدادای کارروائیاں جاری

جی این این کے مطابق  شانگلہ کےچکیسر علی جان سر کے پہاڑوں کے جنگلات میں آگ لگ گئی۔آگ کے باعث پہاڑوں پر قائم گھر بھی لپیٹ میں آگئے۔

پولیس کے مطابق آگ کی لپیٹ میں آنے والے گھروں میں ایک ہی خاندان   کے 4 افراد بھی جاں بحق ہو گئے۔ جاں بحق ہونے والوں میں 3 بچے اور ایک خاتون شامل ہے ۔ 

ریسکیو ذرائع کے مطابق  مختلف مقامات پر پہاڑوں میں آگ لگ گئی ہے ، جن میں مینگورہ، رحیم آباد، کوزہ بانڈی سیگرام اور بریکوٹ ابوہا شامل ہیں۔  

پولیس کے مطابق ضلعی انتظامیہ اور پاک فوج کے اہلکار آگ بجھانے میں مصروف ہیں۔ 

ذرائع کا کہنا ہے کہ خشک موسم کی وجہ سے آگ تیزی سے پھیل رہی ہے ، آگ بجھانے میں مسائل کا سامنا ہے جبکہ سہولتوں کی کمی بھی آگ بجھانے کے عمل کو متاثر کر رہی ہے۔