بنگلہ دیش:کمپنی میں آتشزدگی اور دھماکہ، 16 افراد ہلاک

غیر ملکی میڈیا رپورٹس کے مطابق بی ایم کنٹینر ڈپو میں آتشزدگی کے دوران دھماکہ ہوا، دھماکہ اس وقت ہوا جب فائر سروس کے اہلکار اور کنٹینر ڈپو کا عملہ آگ بجھانے کی کوششوں میں مصروف تھے۔

بتایا گیا ہے کہ زخمی ہونے والوں میں پولیس اور فائر سروس کے اہلکار بھی شامل ہیں، اب تک 16 افراد کی ہلاکتوں کی تصدیق کی گئی ہے جبکہ مزید ہلاکتوں کا خدشہ بھی ظاہر کیا جا رہا ہے.

سی ایم سی ایچ پولیس کیمپ کے انچارج عاشق الرحمن نے مقامی میڈیا سے گفتگو میں کہا کہ 140 سے زائد افراد کو سی ایم سی ایچ کے مختلف یونٹوں میں لے جایا گیا ہے، مزید زخمیوں کو بھی اسپتال منتقل جا رہا ہے۔ 

بنگلہ دیشی پولیس کے مطابق 40 فائر فائیٹرز اور 10 پولیس افسران سمیت 170 سے زائد افراد زخمی ہوئے ہیں، ہلاک ہونے والوں میں 3 فائیٹرز بھی شامل ہیں، ہلاک ہونے والوں کی شناخت ابھی تک نہیں کی جا سکی۔