عمران خان کی سکیورٹی پر مامور اہلکار ہی انہیں گرفتار کر لیں گے: رانا ثناء اللہ

اپنے ایک بیان میں رانا ثناء اللہ نے انہوں نے کہا کہ 25 مئی کے بھگوڑے معیشت پہ بھاشن نہ دیں، مسلح جتھہ وفاق پر حملہ کرنے کا سوچے یہ بھی برداشت نہیں کیا جائے گا۔

انہوں نے کہا کہ نیب قوانین کی ترمیم میں کوئی بھی موجودہ کیس ختم نہیں ہوا، 4 سال میں کسی کیس کا کوئی ثبوت کسی عدالت میں نہیں دیا گیا بلکہ نیب نے ملک کی معیشت تباہ کی۔

واضح رہے کہ گزشتہ روز ایک خبر سامنے آئی تھی جس میں بتایا گیا کہ اتوار کے روز سابق وزیر اعظم عمران خان پشاور سے اسلام آباد واپس اپنی رہائش گاہ بنی گالہ منتقل ہوجائیں گے۔

سابق وزیر اعظم اسلام آباد لانگ مارچ ختم کرنےکے بعد سے پشاور میں ہی مقیم ہیں اور خیبر پختونخوا کے مختلف علاقوں میں سیاسی پاور شو کر رہے ہیں۔