سابق وزیر اعظم عمران خان بنی گالہ پہنچ گئے

میڈیا رپورٹ کے مطابق سابق وزیراعظم عمران خان کی بنی گالہ آمد پر سکیورٹی کے سخت انتظامات کیے گئے ہیں۔

چیئرمین تحریک انصاف عمران خان بنی گالہ پہنچ گئے، سکیورٹی نے فیاض چوہان کو بنی گالا جانے سے روک دیا #GNN @PTIofficial @ImranKhanPTI @Fayazchohanpti @pmln_org pic.twitter.com/TflD26CHnB

— GNN (@gnnhdofficial) June 5, 2022

چیئرمین تحریک انصاف نے بنی گالہ میں پی ٹی آئی کور کمیٹی کا اجلاس بھی طلب کر رکھا ہے جس میں میں شرکت کے لیے ممبران کی آمد کا سلسلہ شروع ہو چکا ہے۔

بتایا گیا ہے کہ چیئرمین تحریک انصاف کے زیر صدارت اجلاس میں مستقبل کے لائحہ عمل کے حوالے سے مشاورت کی جائے گی، لانگ مارچ، قانونی اور سیاسی معاملات بھی زیر بحث لائے جائیں گے۔

اس حوالے سے سابق وفاقی وزیر اطلاعات فواد چودھری نے کہا ہے کہ کور کمیٹی کے ارکان بنی گالہ پہنچنا شروع ہو گئے ہیں، تحریک انصاف کی کور کمیٹی کا اجلاس آج چیئرمین عمران خان کی صدارت میں منعقد ہو گا جس میں آنے والے دنوں میں اپنائی جانے والی حکمت عملی طے کی جائے گی۔