جرمن وزیر خارجہ 7 جون کو پاکستان کا دورہ کریں گی

ترجمان دفتر خارجہ کے مطابق یہ جرمن وزیر خارجہ آنالینا بئیربوک کا پہلا دورہ پاکستان ہو گا،دورے میں پاک جرمن وزرائے خارجہ وفود کی سطح پر بات چیت اور اہم علاقائی اور عالمی امور پر تبادلہ خیال کریں گے۔

دفتر خارجہ کا کہنا ہے کہ جرمن وزیر خارجہ آنالینا بئیر بوک وزیراعظم شہباز شریف سے بھی ملاقات کریں گی،جرمن وزیر خارجہ کا دورہ دونوں ممالک کے درمیان اعلیٰ سطح پر باقاعدہ رابطوں کا تسلسل ہے۔